Mars transit 2026 : राज्यातील सर्वसामान्य माणूस असो, शेतकरी असो, नोकरी करणारा तरुण असो किंवा छोटा-मोठा व्यवसाय करणारा व्यापारी… जानेवारी 2026 मधला एक दिवस अनेकांच्या आयुष्याला वेगळंच वळण देणारा ठरणार आहे. कारण 26 जानेवारी 2026 रोजी रात्री ८ वाजून २७ मिनिटांनी ग्रहांचा सेनापती मानला जाणारा मंगळ धनु राशीत प्रवेश करणार आहे. मंगळाचा हा प्रवेश गुरुच्या राशीत होत असल्यामुळे त्याचा प्रभाव अधिक तीव्र आणि परिणामकारक असणार आहे. अचानक संधी मिळणं, रखडलेली कामं मार्गी लागणं, मानसिक ताकद वाढणं आणि काही जणांसाठी तर आयुष्याची दिशा बदलणारे निर्णय याच काळात घडताना दिसतील. Mars transit 2026
हा मंगळाचा प्रवास १६ फेब्रुवारी 2026 रोजी पहाटे ४ वाजून ३६ मिनिटांपर्यंत म्हणजे जवळपास ३९ दिवस चालणार आहे. नव्या वर्षाच्या सुरुवातीलाच येणारा हा गोचर अनेक राशींसाठी धैर्य, शौर्य, संपत्ती, नोकरीतील प्रगती आणि व्यवसायातील अचानक उचल घेऊन येणार असल्याचं ज्योतिष सांगतं. विशेष म्हणजे या काळात जे लोक शांतपणे, संयम ठेवून मेहनत करतील, त्यांना अपेक्षेपेक्षा जास्त फळ मिळण्याची शक्यता आहे.
मेष राशीच्या लोकांसाठी मंगळाचा धनु राशीतला प्रवेश म्हणजे जणू आयुष्याचा नवा अध्यायच ठरणार आहे. जानेवारीनंतर तुमच्यावर जबाबदाऱ्या वाढतील, कामाचा ताणही जाणवेल, पण त्याचबरोबर यशाचं समाधान मन भरून देणारं असेल. काही अचानक घडामोडी होतील, काही निर्णय क्षणात घ्यावे लागतील, पण बहुतांश बदल हे सकारात्मकच असतील. या काळात आपल्या योजना फार गाजावाजा न करता शांतपणे राबवल्या, तर फायदा निश्चित मिळेल, असं जाणकार सांगतात.
वृश्चिक राशीच्या लोकांसाठी हा काळ आर्थिकदृष्ट्या महत्त्वाचा ठरणार आहे. जानेवारी ते फेब्रुवारीदरम्यान जमीन, घर, प्लॉट, शेती किंवा इतर मालमत्तेशी संबंधित व्यवहार पुढे सरकण्याची शक्यता आहे. अनेक दिवसांपासून अडकलेले व्यवहार मार्गी लागतील, गुंतवणुकीतून फायदा होईल आणि उत्पन्नात वाढ होण्याची चिन्हं दिसत आहेत. मंगळाच्या कृपेने या काळात आर्थिक स्थैर्य मिळाल्याची भावना अनेकांना येईल.
धनु राशीच्या लोकांसाठी तर हा गोचर थेट त्यांच्या राशीतच होत असल्यामुळे विशेष परिणामकारक ठरणार आहे. या ३९ दिवसांत मानसिक आणि शारीरिक उर्जा प्रचंड वाढलेली जाणवेल. अनेक दिवस मनात असलेली स्वप्नं, ध्येय आणि योजना प्रत्यक्षात उतरवण्यासाठी योग्य वेळ आल्याची जाणीव होईल. नोकरी करणाऱ्यांना कामात चमक दाखवण्याची संधी मिळेल, स्पर्धा परीक्षांचा अभ्यास करणाऱ्यांना आत्मविश्वास वाढलेला जाणवेल, तर व्यावसायिकांना नवीन निर्णय घेण्याचं धाडस येईल. मात्र या काळात रागावर नियंत्रण ठेवणं अत्यंत महत्त्वाचं आहे, कारण अति उतावळेपणा मोठं यश हातातून निसटवू शकतो.
मीन राशीच्या लोकांसाठी मंगळाचं धनु राशीतलं भ्रमण समाजात मान-प्रतिष्ठा वाढवणारं ठरणार आहे. नोकरीत वरिष्ठांकडून कौतुक, जबाबदारीचं काम आणि विश्वास मिळू शकतो. सहकाऱ्यांचाही पाठिंबा मिळेल. व्यवसाय करणाऱ्यांना नवीन संधी, नवीन ग्राहक आणि ओळखींचा फायदा होईल. या काळात तुमचं नाव, तुमची ओळख आणि सामाजिक स्थान अधिक मजबूत होताना दिसेल.
एकूणच पाहता मंगळाचं धनु राशीतलं हे ३९ दिवसांचं भ्रमण काही राशींसाठी खरंच सुवर्णकाळ घेऊन येणार आहे. नवे मार्ग नवी ऊर्जा नवी सुरुवात आणि वर्षाच्या सुरुवातीलाच मिळणारा आत्मविश्वास… ग्रहांची ही चाल एकच सांगते मेहनत सोडू नका, संयम ठेवा आणि येणाऱ्या संधींचं स्वागत करा. कारण योग्य वेळी घेतलेला एक निर्णय आयुष्यभराची दिशा बदलू शकतो.
हे पण वाचा : या लाडक्या बहिणींना मिळाले नाही 1500 रुपये यामध्ये तुमचे नाव आहे का चेक करा